關注乳房健康的妳 – 香港乳癌及乳病治療中心 Hong Kong Breast Cancer And Disease Centre

教你醫生不會告訴你的秘密，我到底係咪生乳癌？

HK Breast — Sun, 02 May 2021 10:13:46 +0000

死啦，我摸到乳房有硬塊呀，但我唔敢睇醫生，怕檢查、怕痛、怕有事、怕手術、怕化療，總之乜都怕。究竟我點先知自己係咪生乳癌？乳癌有冇咩前兆？點樣做乳癌檢查㗎呢？懷疑乳癌又點樣做先啱？入黎教你醫生不會告訴你的秘密，一文看清到底自己係咪生乳癌⋯⋯ 摸到乳房硬塊嘅你第一樣野你感覺到嘅係擔心同奇怪。「幾時嗰度開始有舊野㗎呢？」「唔係自己中咗招呀？而家講到乳癌好易中⋯⋯」「會唔會係纖維瘤咋？會唔會變惡㗎？」「要點樣檢查先知舊野有冇事？我好怕痛㗎，唔想抽針同手術⋯⋯」未睇醫生前先了解一下自己風險先，D人成日教舊野硬唔硬、郁唔郁得、痛唔痛去估有冇事，其實對你係冇乜用嘅。你都冇經驗冇得比較，點知自己舊野叫硬定唔硬？叫郁得定唔郁得？同埋之後結論都係「估」有冇事，如果萬一估錯呢？代價就係自己條命自己健康。所以最安全最穩妥嘅做法就係睇醫生，檢查清楚，咁就安心又放心。「唓，廢話～」唔好唓住，上面第一句「先了解一下自己風險先」就係重點，原來歲數決定命運，同一病徵年紀越大出事機會越大。想了解多D，去以下文章睇下：乳癌症狀：我係咪生乳癌？乳癌特徵「就係咁簡單？」當然冇咁簡單，原來乳癌有5大病徵，當中以乳房硬塊最為重要及常見，另一方面，好多人以為可以用痛同唔痛去分辨係咪乳癌，其實係出於誤解。乳房痛可以係冇事，又可以係有事。另一方面，乳房唔痛亦都一樣，可以係冇事，又可以係有事。所以有病徵就睇醫生，唔好再靠估。想了解多D 乳癌5大病徵，去以下文章睇下：乳房硬塊：我係咪生乳癌？1 乳房痛楚：我係咪生乳癌？2 乳頭分泌物：我係咪生乳癌？3 乳頭凹陷：我係咪生乳癌？4 乳房發炎：我係咪生乳癌？5 懷疑乳癌「我真係年紀有返咁上下加摸到舊野，咁點算？」相對簡單，搵外科醫生檢查去確定有事定冇事。「唔係搵婦科咩？」好多人誤以為乳房係婦科問題，應該搵婦科。其實係出於誤解，原來乳房問題係隸屬乳腺科，佢係外科其中一個分支。而乳腺科唔係一個可以引用嘅名銜，所以搵外科醫生就啱。乳癌醫生 ﹣ 睇咩科先啱？乳房檢查三步曲「睇外科醫生之後會做D咩？」見到乳腺科醫生之後，醫生會幫你做乳房檢查三步曲。「咩係乳房檢查三步曲？」乳房檢查三步曲即係臨床檢查、造影檢查、抽針檢查。㩒入去睇下你就會知每個步驟做D乜。乳房檢查－乳房檢查三步曲1 乳房造影檢查（乳房X光／超聲波）－乳房檢查三步曲2 乳房抽針檢查－乳房檢查三步曲3 「我要照乳房造影，即係照乜野？」主要係X光乳房造影（即係我地所講嘅夾胸），同埋乳房超聲波，好特定嘅情況先要照MRI磁力共振。究竟邊一樣先啱你，去睇一睇片：「咁照完又點？」得兩個可能性，一係有事有野揾到，一係冇事冇問題。有事有野揾到就去抽針，冇事冇問題就觀察。「我醫生話有可疑，咁抽乜野針？」乳房有可疑，就抽粗針，唔好抽幼針（因為分唔到原位癌定侵蝕性，同埋唔可以加驗屬性）。腋下淋巴有可疑，就抽幼針（幼針已經足夠，粗針反而高風險）。粗針究竟有幾粗？痛唔痛？過程點做？同幼針有乜分別？去睇以下條片你就明：報告話我「我已經做完檢查，報告話我⋯⋯」如果中咗招，不幸患上乳癌嘅，去睇下：教你醫生不會告訴你的乳癌秘密，做一個唔會後悔一生的決定，呢篇文章就係你嘅救生圈。如果係乳房纖維瘤的話，去睇下：乳腺纖維瘤－其實好簡單，入面有乳房微創手術係點樣做睇。如果係乳房葉狀瘤的話，去睇下：乳房葉狀腫瘤－究竟係咩黎㗎？，原來葉狀瘤係有機會變㗎。如果有鈣化點的話，去睇下：乳房鈣化點－係咪好危險？，入面教你鈣化點幾時要驚？幾時唔洗驚。如果係水囊／水瘤的話，去睇下：乳房水囊／水瘤－有冇危險㗎？香港的乳癌治療資訊圖片來源：selih.si 歡迎來到香港的乳癌治療資訊，一個充滿愛、喜樂、同埋希望嘅香港乳房健康網站。要講乳房疾病，首選當然係乳癌，當大家面對突如其來嘅乳癌侵襲，無不感到沮喪、痛苦、孤單、同埋絕望⋯⋯ 呢度希望透過輕鬆嘅表達方式，深入淺出大家要知的、實用的、「香港的乳癌治療資訊」。...read more

The post 教你醫生不會告訴你的秘密，我到底係咪生乳癌？ appeared first on 香港乳癌及乳病治療中心 Hong Kong Breast Cancer And Disease Centre.

關注乳房健康的妳

HK Breast — Sun, 27 Nov 2016 19:09:26 +0000

呢度有關注乳房健康的妳所要知嘅野：5大乳癌症狀、乳癌成因、有事搵咩乳癌醫生、要做咩乳房檢查、乳腺纖維瘤／乳腺增生的迷思⋯⋯ 關注乳房健康的妳「我係咪生乳癌？」系列一連6集，講吓5大乳癌症狀，教你分辨自己有冇事：乳癌症狀：我係咪生乳癌？乳房硬塊：我係咪生乳癌？1 乳房痛楚：我係咪生乳癌？2 乳頭分泌物：我係咪生乳癌？3 乳頭凹陷：我係咪生乳癌？4 乳房發炎：我係咪生乳癌？5 「乳癌成因」同你講吓患乳癌嘅高危因素：乳癌成因：我易D生乳癌嗎？遺傳性乳癌－我洗唔洗驗基因？乳癌基因突變－宿命真的無法逆轉？「乳癌醫生」系列主要教你有事搵咩科醫生、去私家好、定排公立好、點樣排期可以排快D：乳癌醫生 ﹣ 睇咩科先啱？香港乳癌醫生 ﹣ 睇公立好？睇私家好？醫生攻略1 香港乳癌醫生 ﹣ 睇公立好？睇私家好？醫生攻略2 香港乳腺科醫生－點先可以快D睇？醫乳癌公私營合作－教你點保障自己「乳房檢查三步曲」系列教你乳房檢查嘅3個重要環節，唔好做錯或者做漏：乳房檢查－乳房檢查三步曲1 乳房造影檢查（乳房X光／超聲波）－乳房檢查三步曲2 乳房抽針檢查－乳房檢查三步曲3 乳房磁力共振（MRI Breast）－我又洗唔洗照吓？ 3D立體乳房造影－3D？2D？睇真D！「常見乳腺病」系列教你常見乳房疾病，帶你走出迷思，糾正誤解：乳腺纖維瘤－其實好簡單乳腺增生－好多人誤解乳房葉狀腫瘤－究竟係咩黎㗎？乳房水囊／水瘤－有冇危險㗎？乳房鈣化點－係咪好危險？「保險魔鬼細節你要知」教你喺未對抗癌魔前，如何對抗保險公司陷阱：乳癌治療費用－危疾保險保唔保？乳癌手術費用－...read more

The post 關注乳房健康的妳 appeared first on 香港乳癌及乳病治療中心 Hong Kong Breast Cancer And Disease Centre.

愛・乳・希望入門指南－終極懶人包

HK Breast — Sun, 11 Mar 2018 20:16:35 +0000

當愛・乳・希望呢個網站越來越多文章，新來到的朋友可能感到無從入手，都唔知睇邊篇先。為咗方便大家，我整咗幾個pdf終極懶人包，作為網站的入門指南。叫得做懶人包，自然一定要夠懶⋯⋯ 點先為之最懶：第一懶：懶得探索其實之前網站已經分開咗三類朋友：關注乳房健康的妳、面對乳癌挑戰的妳、成功戰勝乳癌的妳。我開頭以為夠清晰啦，但原來咁係未夠嘅，當我喺診所診症時話：「你好不幸而家係第三期，個網站有曬你要知嘅野，返去睇下⋯⋯」「你好彩發現得早，係零期原位癌，頭先解釋咗同侵蝕癌嘅分別，如果唔明可以去網頁重溫⋯⋯」病人及家屬返到去，㩒入去面對乳癌挑戰的妳，面對嘅係幾十篇乳癌文章，變咗面對文章挑戰的妳，都唔知由何處入手，都唔知診症時講過嘅野散落喺邊D文章。為咗方便大家，我特意由唔同期數入手，精選相關的重要文章，再加上治療的時間表，咁大家就可以就住自己嘅情況，睇咗D最重要嘅文章先，到有時間先慢慢探索其他感興趣嘅文章。呢個對於唔係我度睇病的朋友尤其重要，因為往往睇醫生時自己又唔識問，醫生又唔得閒主動講多D。醫生話我係第零期乳癌（原位癌） https://www.hkbreast.com/pamphlet/pamphlet-stage0.pdf 醫生話我係第一期乳癌 https://www.hkbreast.com/pamphlet/pamphlet-stage1.pdf 醫生話我係第二期乳癌 https://www.hkbreast.com/pamphlet/pamphlet-stage2.pdf 醫生話我係第三期乳癌 https://www.hkbreast.com/pamphlet/pamphlet-stage3.pdf 醫生話我係第四期乳癌 https://www.hkbreast.com/pamphlet/pamphlet-stage4.pdf 醫生話我係咩乳癌類型話 https://www.hkbreast.com/pamphlet/pamphlet-cancer-type.pdf 醫生話我係良性 https://www.hkbreast.com/pamphlet/pamphlet-benign-breast-disease.pdf 第二懶：懶得㩒入去「睇標題條條都好吸引／好唔吸引，㩒我都懶得㩒入去，唔㩒又唔知你篇文講乜，都唔知關唔關自己事。」得，意見收到冇問題。你㩒都懶得㩒，我畫公仔就畫出腸，將文章起首的引旨抄埋出黎比你，咁你㩒都唔洗㩒，立下眼都略知一二篇文講咩，唔洗浪費你的寶貴時間。第三懶：懶得輸入有時後生仔女好有心幫阿媽上網搵咗D乳癌資料，想分享比年紀大的媽媽睇，都真係拉牛上樹。「Facebook share比你⋯⋯」冇面書。「WhatsApp 比你⋯⋯」工聯會智能手機班阿sir未教到。圖片來源：民建聯「抄個網址比你⋯⋯」我唔識英文，又眼曚曚手震震，好難輸入。「㩒個超連結⋯⋯」邊度有制㩒。「拿，掃一掃呢個QR Code，呢家大陸乞兒乞錢都係叫你掃一掃，微信支付比佢㗎咋⋯⋯」咩叫QR Code？圖片來源：蘋果日報唔緊要，面對咁嘅問題，最終就係print出黎，揸住張實物最實際，呢個就係我整pdf嘅原因。Print出黎又得，save低喺手機電腦又得，對住打網址又得，唔想打字㩒個hyperlink又得。如果連㩒都懶得㩒都冇所謂，我整埋QR Code比你，用iOS 11／android個相機，或者WeChat 微信／其他掃QR code 嘅app，掃一掃就連網址都唔洗打就入到去，又或者cap張相send個QR Code share比人亦都好方便。第四懶：懶得睇字「咁多字，好悶我唔想睇⋯⋯」明白嘅，現代人速食文化，咁多字真係好難引得起興趣。往往都係行行下街，攝時間掃一掃手機睇下姐，咁多字點睇呀～仲未計老人家隻眼唔好老花睇唔到。唔緊要，我拍埋片比你有聲有畫，你唔好嫌棄浪費你data污染你眼睛就得。懶到呢個點，我諗都稱得上終極懶人包，可以方便大家的都已經做咗，差就差在叉電開機呢D就未幫到。如果你都想幫到有需要嘅人，就麻煩你幫手share D pdf出去，無論係透過Facebook／whatsapp／pdf／QR Code／print 出黎，總有一款你係做得到嘅，唔該曬。封面圖片來源：互聯網

The post 愛・乳・希望入門指南－終極懶人包 appeared first on 香港乳癌及乳病治療中心 Hong Kong Breast Cancer And Disease Centre.

關注乳房健康的妳 – 香港乳癌及乳病治療中心 Hong Kong Breast Cancer And Disease Centre

教你醫生不會告訴你的秘密，我到底係咪生乳癌？

關注乳房健康的妳

愛・乳・希望入門指南 － 終極懶人包

愛・乳・希望入門指南－終極懶人包