成功戰勝乳癌的妳 – 香港乳癌及乳病治療中心 Hong Kong Breast Cancer And Disease Centre https://www.hkbreast.com 一個實踐愛乳希望的地方 Sat, 07 Mar 2026 10:34:54 +0000 en-US hourly 1 https://wordpress.org/?v=4.9.5 https://i1.wp.com/www.hkbreast.com/wp-content/uploads/2016/12/cropped-breasthk_logo_angel-wing.jpg?fit=32%2C32&ssl=1 成功戰勝乳癌的妳 – 香港乳癌及乳病治療中心 Hong Kong Breast Cancer And Disease Centre https://www.hkbreast.com 32 32 120475732 成功戰勝乳癌的妳 https://www.hkbreast.com/reborn/ Sun, 27 Nov 2016 19:36:50 +0000 http://www.hkbreast.com/?p=27 呢度有成功戰勝乳癌的妳所要知嘅野：醫好乳癌之後點跟進？乳癌點check？乳癌復發10大病徵？乳癌復發點算好？乳癌復發治療攻略⋯⋯ 之前成個Blog嘅主題都係圍繞住關注乳房健康的妳、同埋面對乳癌挑戰的妳，寫咗68篇，對嗰D急需人幫手嘅困惑病友／家人，希望已作出適當照顧。 同一時間，收到網友要求，話可唔可以寫吓「⋯⋯完成治療後，要定時做咩檢查？做幾密等等⋯⋯」「⋯⋯往後要注意D咩？復發有咩症狀？乳癌點check？」「⋯⋯不過 hope for the best prepare for the worst, 想問復發或轉移咁又點呢？」，我諗呢個時候，都係時間開一個新嘅篇章「成功戰勝乳癌的妳」。呢篇將會成為另一個文章總滙（就好似關注乳房健康的妳、同埋面對乳癌挑戰的妳咁），要bookmark就bookmark埋呢度。 至於寫咩好呢？雖然我心裡有個大致印象，但我都想聽聽妳嘅建議，好讓我地一齊去描繪呢個「成功」篇章，鼓勵吓同路人。 成功戰勝乳癌的妳 「乳癌分類」教你點分自己乳癌係邊類，了解多D自己個病，做好治療同保養： 三陰性乳癌 － 係咪真係咁惡？ 乳癌類型巡禮 － 與你細數HER2型乳癌的歴史 荷爾蒙受體陽性乳癌 － 是福還是禍？ 管腔A型管腔B型乳癌 － 不吸眼球的甘草   「乳癌心靈復康」同你一齊面對精神上嘅困擾，幫你重新企返起身： 乳癌化療甩頭髮 － 點處理？幾時生返？ 義乳的秘密 － 重建乳房手術外的另一片天 乳癌康復後懷孕 － 我想生BB！ 乳癌淋巴水腫 － 真係冇得搞？   「乳癌同路人分享」系列，等過來人帶領你越過乳癌幽谷（歡迎投稿，與同路人分享你的喜怒哀樂）： 一同走過乳癌的幽谷－夢想高飛 夢想高飛－夢 夢想高飛－想 夢想高飛－高 夢想高飛－飛   「乳癌檢查」教你醫好乳癌之後點跟進？乳癌點check？： 乳癌檢查 － 醫好乳癌之後點跟進？ 乳房磁力共振（MRI Breast）－我又洗唔洗照吓？ 遺傳性乳癌－我洗唔洗驗基因？ 乳癌基因突變－宿命真的無法逆轉？   「乳癌復發解碼」解開乳癌復發的困擾： 乳癌復發10大病徵 － 你記緊要留意 乳癌復發點算好？ 乳癌復發治療攻略 － 求生大作戰 封面圖片來源：改篇自wikihow 分段圖片來源：改篇自互聯網

The post 成功戰勝乳癌的妳 appeared first on 香港乳癌及乳病治療中心 Hong Kong Breast Cancer And Disease Centre.

]]> 27 愛・乳・希望入門指南 － 終極懶人包 https://www.hkbreast.com/hkbreast-pamphlet/ Sun, 11 Mar 2018 20:16:35 +0000 http://www.hkbreast.com/?p=800 當愛・乳・希望呢個網站越來越多文章，新來到的朋友可能感到無從入手，都唔知睇邊篇先。為咗方便大家，我整咗幾個pdf終極懶人包，作為網站的入門指南。叫得做懶人包，自然一定要夠懶⋯⋯ 點先為之最懶： 第一懶：懶得探索 其實之前網站已經分開咗三類朋友：關注乳房健康的妳、面對乳癌挑戰的妳、成功戰勝乳癌的妳。我開頭以為夠清晰啦，但原來咁係未夠嘅，當我喺診所診症時話： 「你好不幸而家係第三期，個網站有曬你要知嘅野，返去睇下⋯⋯」 「你好彩發現得早，係零期原位癌，頭先解釋咗同侵蝕癌嘅分別，如果唔明可以去網頁重溫⋯⋯」 病人及家屬返到去，㩒入去面對乳癌挑戰的妳，面對嘅係幾十篇乳癌文章，變咗面對文章挑戰的妳，都唔知由何處入手，都唔知診症時講過嘅野散落喺邊D文章。 為咗方便大家，我特意由唔同期數入手，精選相關的重要文章，再加上治療的時間表，咁大家就可以就住自己嘅情況，睇咗D最重要嘅文章先，到有時間先慢慢探索其他感興趣嘅文章。呢個對於唔係我度睇病的朋友尤其重要，因為往往睇醫生時自己又唔識問，醫生又唔得閒主動講多D。 醫生話我係第零期乳癌（原位癌） https://www.hkbreast.com/pamphlet/pamphlet-stage0.pdf 醫生話我係第一期乳癌 https://www.hkbreast.com/pamphlet/pamphlet-stage1.pdf 醫生話我係第二期乳癌 https://www.hkbreast.com/pamphlet/pamphlet-stage2.pdf 醫生話我係第三期乳癌 https://www.hkbreast.com/pamphlet/pamphlet-stage3.pdf 醫生話我係第四期乳癌 https://www.hkbreast.com/pamphlet/pamphlet-stage4.pdf 醫生話我係咩乳癌類型話 https://www.hkbreast.com/pamphlet/pamphlet-cancer-type.pdf 醫生話我係良性 https://www.hkbreast.com/pamphlet/pamphlet-benign-breast-disease.pdf 第二懶：懶得㩒入去 「睇標題條條都好吸引／好唔吸引，㩒我都懶得㩒入去，唔㩒又唔知你篇文講乜，都唔知關唔關自己事。」 得，意見收到冇問題。你㩒都懶得㩒，我畫公仔就畫出腸，將文章起首的引旨抄埋出黎比你，咁你㩒都唔洗㩒，立下眼都略知一二篇文講咩，唔洗浪費你的寶貴時間。 第三懶：懶得輸入 有時後生仔女好有心幫阿媽上網搵咗D乳癌資料，想分享比年紀大的媽媽睇，都真係拉牛上樹。 「Facebook share比你⋯⋯」 冇面書。 「WhatsApp 比你⋯⋯」 工聯會智能手機班阿sir未教到。 圖片來源：民建聯 「抄個網址比你⋯⋯」 我唔識英文，又眼曚曚手震震，好難輸入。 「㩒個超連結⋯⋯」 邊度有制㩒。 「拿，掃一掃呢個QR Code，呢家大陸乞兒乞錢都係叫你掃一掃，微信支付比佢㗎咋⋯⋯」 咩叫QR Code？ 圖片來源：蘋果日報 唔緊要，面對咁嘅問題，最終就係print出黎，揸住張實物最實際，呢個就係我整pdf嘅原因。Print出黎又得，save低喺手機電腦又得，對住打網址又得，唔想打字㩒個hyperlink又得。如果連㩒都懶得㩒都冇所謂，我整埋QR Code比你，用iOS 11／android個相機，或者WeChat 微信／其他掃QR code 嘅app，掃一掃就連網址都唔洗打就入到去，又或者cap張相send個QR Code share比人亦都好方便。 第四懶：懶得睇字 「咁多字，好悶我唔想睇⋯⋯」 明白嘅，現代人速食文化，咁多字真係好難引得起興趣。往往都係行行下街，攝時間掃一掃手機睇下姐，咁多字點睇呀～仲未計老人家隻眼唔好老花睇唔到。唔緊要，我拍埋片比你有聲有畫，你唔好嫌棄浪費你data污染你眼睛就得。   懶到呢個點，我諗都稱得上終極懶人包，可以方便大家的都已經做咗，差就差在叉電開機呢D就未幫到。如果你都想幫到有需要嘅人，就麻煩你幫手share D pdf出去，無論係透過Facebook／whatsapp／pdf／QR Code／print 出黎，總有一款你係做得到嘅，唔該曬。 封面圖片來源：互聯網

The post 愛・乳・希望入門指南 － 終極懶人包 appeared first on 香港乳癌及乳病治療中心 Hong Kong Breast Cancer And Disease Centre.

]]> 800