乳房發炎：我係咪生乳癌？5

乳房發炎－「發吓炎咋喎，咁都可能係癌？！唔係呀麻～」千真萬確，唔係嚇你！

你可能唔知嘅乳癌五大病徵｜改變一生的九分鐘｜馬國權醫生

乳房發炎／乳腺炎

何謂發炎？醫學上即係四樣野：紅／腫／熱／痛。

通常你都會留意到皮膚發紅同埋嗰個位好痛，至於有冇腫同埋發熱，就人人唔同，視乎程度同埋你有幾細心。

你會話：「喂，我成日都發炎㗎啦，喉嚨又發炎，呢度又發炎，嗰度又發炎，關生癌咩嘢事？」

你要知道發炎只不過係個一個病徵（果），並唔係原因（因）。咁你究竟咩原因發炎先？

可以有好多原因，例如餵人奶時被BB咬損咗，又或者你有糖尿病易啲感染。呢啲通常都有啲明確既原因，而且食消炎藥／抗生素會醫得好。最需要注意既係嗰啲無緣無故／食藥都冇改善／仲要有埋先前講過嘅病徵（腫塊／硬塊／乳頭流血／乳頭凹陷／皮膚下陷／橙皮變化），咁就要即刻睇醫生，因為乳癌可以搞到發炎，仲係要悪嗰隻添。