乳房硬塊：我係咪生乳癌？1

大部份既乳房硬塊多數為良性腫瘤，但同一時間，大部份有乳癌既女性都係摸到舊野先，咁即係點啊？

由上一篇你知道年紀越大，中招機會越大。呢一個概念，喺胸部硬塊／腫塊一樣用得著，我地又睇睇數據⋯⋯

你可能唔知嘅乳癌五大病徵｜改變一生的九分鐘｜馬國權醫生

後生(30歲以下)女仔胸部有硬塊，多數為乳房纖維瘤(良性)

中年(30-50歲)女士胸部有硬塊，可以係良性(纖維瘤，水囊等等)，可以係惡性乳癌，又可以係中性會變嘅乳房葉狀腫瘤。

上年紀(50歲以上)女士有胸部硬塊，要小心，有事既機會率大大增加。如果醫生同你講你係普通纖維瘤，你都要諗真一啲，究竟醫生係做晒X光及抽針先下結論（乳房檢查三步曲）？定係咩都未做就落既輕率判斷。

你可能會問「有無咁簡單呀?」

呢個唔係簡單，反而佢係一個基於機會率嘅估計，咁當然仲有其他因素要考慮，例如：

1）時間性：同其他野一樣，時間會證明一切。一時摸到一時摸唔到，什或至胸部硬塊自己會消失的，呢啲冇咁驚。但如果問題持續數月甚至上年，而硬塊越來越大，呢啲要好小心。

2）高危組別：自己會唔會有一啲因素令到自己易啲生癌乳癌成因：我易D生乳癌嗎？

3）胸部硬塊的特性：硬既唔郁嘅岩岩杉杉嘅，可疑一啲。相反，軟嘅郁嘅順滑嘅冇咁可疑。

4）同一時間有冇其他乳癌嘅病徵 乳癌症狀：我係咪生乳癌？

5）痛楚：胸部硬塊痛唔痛係冇關係嘅，痛可以係癌，又可以唔係癌。同一道理，唔痛都可以係癌（大部分乳癌係唔痛嘅）

下一篇我會講吓

乳房硬塊 ： 我係咪生乳癌？1