教你醫生不會告訴你的乳癌秘密,做一個唔會後悔一生的決定

Posted by in 面對乳癌挑戰的妳, 香港的乳癌治療資訊

剛確診乳癌嘅你

圖片來源:hksar.org

第一樣野你感覺到嘅係恐懼同絕望

「點解會係我?」

「我仲有好多野未做,唔可以咁快離開~」

「我走咗,我仔女點算?我老公點算?」

喊出黎,即管喊出黎,喊出黎會舒服啲,唔需要收埋自己嘅感受。當你坦蕩蕩地面對自己嘅感受,我地先可以重新出發去面對乳癌嘅挑戰,打贏呢場仗,攞返屬於自己嘅健康。

當醫生宣佈乳癌確診的一刻,你一定三魂唔見七魄,咩都聽唔入耳。當你回過神黎,第一樣要搞清嘅係乳癌嘅期數同屬性,因為呢兩樣野決定咗你有冇得醫,決定咗我地條路應該點走落去。

下面就係唔同期數嘅單張,佢地就係你嘅地圖,一幅帶你走出迷陣、逃出生天嘅地圖。慢慢對一對自己乳癌嘅期數、屬性,你就會知道黎緊有咩難關等緊你,我地要點做先可以克服呢一啲難關,黑暗盡頭嘅光景究竟係點樣樣。

醫生話我係第零期乳癌(原位癌)
https://www.hkbreast.com/pamphlet/pamphlet-stage0.pdf

醫生話我係第一期乳癌
https://www.hkbreast.com/pamphlet/pamphlet-stage1.pdf

醫生話我係第二期乳癌
https://www.hkbreast.com/pamphlet/pamphlet-stage2.pdf

醫生話我係第三期乳癌
https://www.hkbreast.com/pamphlet/pamphlet-stage3.pdf

醫生話我係第四期乳癌
https://www.hkbreast.com/pamphlet/pamphlet-stage4.pdf

醫生話我係咩乳癌類型話
https://www.hkbreast.com/pamphlet/pamphlet-cancer-type.pdf

乳癌手術

如果要做手術嘅,先去睇咗youtube 片先,我會教你保唔保留到個乳房?洗唔洗切曬成個胸?如果要切曬又點算?

乳癌手術:開刀我仲有得揀?馬國權醫生
乳癌手術:做咩切我啲淋巴?馬國權醫生
未知點重建乳房前,千祈唔好做全乳切除。馬國權醫生

有時間想了解多啲嘅就去睇埋D文章與及同路人嘅留言,你就會知道點去做一個唔會後悔一生嘅決定。

乳癌手術風險 - 開刀安唔安全?高風險嗎?

乳癌手術 1 - 開刀我有咩可以揀?

乳癌手術 2 - 保留乳房手術 ,我做唔做得?

乳癌手術 3 - 保留乳房手術 ,我揀唔揀好?

乳癌手術 4 - 乳房重建手術 你要知

乳癌手術 5 - 前哨淋巴結活檢術?咩黎㗎

乳癌手術 6 - 專做乳房手術醫生的增值服務

義乳的秘密 - 重建乳房手術外的另一片天

乳癌淋巴水腫 - 真係冇得搞?

乳癌病理報告

做完乳癌手術之後,我地要學識睇自己個病理報告。因為只有透過了解自己個病理報告,我地先知道,手術究竟做清未?究竟乾唔乾淨?

同埋個報告隱含左兩個重要嘅資訊,講緊就係個期數同埋個屬性。只有透過知道呢兩樣野,我地先知道之後條路點行落去嘅。

去YouTube睇片,睇下病理報告裏面唔同嘅細項,究竟點樣去分析:

乳癌病理報告解密|影響條路點行的九大因素|馬國權醫生

初步了解完D細項之後,就睇進階片,教你點樣幫自己算一算命:

你唔怕老實同我講|其實我仲有幾耐命?|馬國權醫生

乳癌化療

如果要做化療嘅,你要有定心理準備呢個係成場仗最難捱的一關,不過放心,絕大部份病人都可以捱得過嘅。冇錯,係要捱架,不過會過,呢個係有期徒刑。當你完成之後,回想轉頭,呢段只係人生一段插曲。

都係先睇 youtube 片,我會教你點樣打大佬:

乳癌我可唔可以唔化療?馬國權醫生

未有觸及嘅細節,就去睇埋D文章,你就會知道點黑暗盡頭就係出口。

乳癌化療需知 - 我洗唔洗化療?

乳癌化療時間 - 手術前做?手術後做?

乳癌化療需唔需要 - 著數計算機火併乳癌基因測試

乳癌化療AC針TC針 - 乜藥黎㗎?

乳癌化療選擇 - 咁多組合點樣揀?

乳癌標靶治療 - 乳癌HER2型點樣揀?

乳癌雙標靶治療-HER2型乳癌的春天

乳癌化療費用 - 要用幾多錢?貴唔貴?

乳癌化療療程 - 吊針過程大公開

粉紅天使-落入凡間的天使

乳癌化療甩頭髮 - 點處理?幾時生返?

乳癌化療嘔吐 - 終極止嘔藥

乳癌化療副作用 - 辛唔辛苦?點處理?

乳癌化療期間之飲食 - 點補身?洗唔洗戒口?

乳癌標靶治療

如果要做標靶治療嘅,你要有定心理準備呢個係最貴最燒錢嘅治療,動輒幾十萬走唔甩,好彩嘅係佢嘅成效同價錢成正比,絕對係救你一命嘅好幫手。同埋政府係有資助嘅,香港仲未去到冇錢冇得醫嘅地步,放心。

乳癌我可唔可以唔標靶治療?馬國權醫生

未有觸及嘅細節,就去睇埋D文章,你就會明白點解我話佢係救你一命嘅好幫手。

乳癌化療AC針TC針 - 乜藥黎㗎?

乳癌標靶治療 - 乳癌HER2型點樣揀?

乳癌雙標靶治療-HER2型乳癌的春天

乳癌類型巡禮 - 與你細數HER2型乳癌的歴史

乳癌電療

如果要做電療嘅,唔好比個名嚇親,D人成日將佢同化療撈亂。電療相比化療,舒服好多,只係曬吓太陽,絕對係性價比之皇。

乳癌我可唔可以唔電療?馬國權醫生

未有觸及嘅細節,就去睇埋D文章,你就唔會再搞錯電療同化療。

乳癌電療大解構-原來唔洗驚

乳癌荷爾蒙治療

如果要食抗荷爾蒙嘅,唔好比佢要食5至10年嚇親。如果日日食,佢可以保你5至10年冇事嘅,佢仲唔係你嘅護身符、你嘅開心藥?做乜要怕佢?直頭要擁抱佢添啦!

乳癌荷爾蒙治療 - 我可唔可以唔荷爾蒙治療?馬國權醫生

未有觸及嘅細節,就去睇埋D文章,你就會同抗荷爾蒙藥講聲I love you。

乳癌荷爾蒙治療 - 點解我仲要食藥?

乳癌荷爾蒙藥-究竟食咩藥?

乳癌荷爾蒙藥-不同年紀嚴選最正確食法

荷爾蒙受體陽性乳癌-是福還是禍?

香港的乳癌治療資訊

圖片來源:selih.si

歡迎來到香港的乳癌治療資訊,一個充滿愛、喜樂、同埋希望嘅香港乳房健康網站。

要講乳房疾病,首選當然係乳癌,當大家面對突如其來嘅乳癌侵襲,無不感到沮喪、痛苦、孤單、同埋絕望⋯⋯

呢度希望透過輕鬆嘅表達方式,深入淺出大家要知的、實用的、「香港的乳癌治療資訊」。

從網絡世界散播正能量,為嘅係希望大家在苦難中能感覺到「」,在孤單中能感覺到「」,係呢度重新搵到「希望」。

呢度有齊你需要打贏呢場硬仗嘅所有野,呢度就係你嘅救生圈,加油!

香港乳癌及乳病治療中心

封面圖片來源:mdpremier.com